Украінскія вайскоўцы трапілі ў Крыме ў два расійскія дэсантныя катары
![У Крыме, ілюстрацыйнае фота](/sites/default/files/styles/gallery_main/public/2023-11/krym_10_11_1.jpg.webp?itok=uNoVKHtT)
У Крыме, ілюстрацыйнае фота / "Радио Свобода"
У ноч на пятніцу ўкраінскія вайскоўцы паспяхова атакавалі ў акупаваным Крыме два расійскія хуткасныя дэсантныя катары. Пра гэта піша hromadske са спасылкай на Галоўнае ўпраўленне выведкі Мінабароны Украіны. Вядома, што гэта адбылося ў пасёлку Чарнаморскае. Іншых дэталяў пакуль няма. У Мінабароны Расіі кажуць, што перахапілі ў Крыме два ўкраінскія беспілотнікі. Яшчэ адзін знішчылі над тэрыторыяй Тульскай вобласці.
Тым часам сталі вядомыя падрабязнасці ўчорашняй атакі УСУ на акупаваны горад Скадовск ў Херсонскай вобласці. Як піша Telegram-канал ASTRA, у выніку ўдару разбураны будынак вайсковага следчага ўпраўлення СК РФ. У гэтым двухпавярховым будынку знаходзіліся расійскія вайсковыя следчыя. Паводле звестак ASTRA, 10 чалавек загінулі і яшчэ 11 параненыя.
![Украинские военные поразили в Крыму два российских десантных катера](/sites/default/files/styles/default_image_paragraph/public/paragraphs/image/ukr0_10_11_0.jpg.webp?itok=IRPic2aT)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.