Урад Літвы дэнансаваў пагадненне з Беларуссю аб памежным супрацоўніцтве
На літоўска-беларускай мяжы / delfi.lt
Урад Літвы дэнансаваў пагадненне з Беларуссю аб памежным супрацоўніцтве, паведамляе vrm.lrv.lt. У Вільні лічаць, што яго рэалізацыя "немагчымая ў цяперашняй геапалітычнай сітуацыі і не будзе магчымая ў бліжэйшы час".
Прычынай такога рашэння называюцца палітычная сітуацыя ў Беларусі пасля 2020 года, выкарыстанне рэжымам Аляксандра Лукашэнкі супраць краін ЕС мігрантаў і ўдзел РБ у вайне Расіі супраць Украіны.
Пагадненне Літвы з Беларуссю аб памежным супрацоўніцтве дзейнічала з 2006 года.
