Ва Уздзенскім раёне на пажары загінулі тры чалавекі
![Ратавальнікі змагаюцца з агнём](/sites/default/files/styles/gallery_main/public/2024-06/uzda.jpg.webp?itok=nzldFzkF)
Ратавальнікі змагаюцца з агнём / mchs.gov.by
Ва Уздзенскім раёне ў вёсцы Кухцічы на пажары загінулі тры чалавекі. Здарэнне адбылося позна ўвечары 23 чэрвеня. У драўляным жылым доме ратавальнікі знайшлі целы 49-гадовага гаспадара і двух яго гасцей (32-гадовага мужчыны і 38-гадовай жанчыны). Адна з разгляданых версій прычын узгарання — неасцярожнае абыходжанне з агнём пры курэнні аднаго з загінулых (аднавяскоўцы кажуць, што гаспадар паліў у ложку, а недакуркі кідаў на падлогу).
Па звестках Следчага камітэта, усе трое на працягу трох дзён у доме п'янствавалі. Мяркуецца, што смерць мужчын і жанчыны наступіла ад атручвання чадным газам.
![Ва Уздзенскім раёне на пажары загінулі тры чалавекі](/sites/default/files/styles/default_image_paragraph/public/paragraphs/image/444_32.jpg.webp?itok=rokpXu9x)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.