Вярхоўная Рада можа разгледзець праект закону “Аб імпічменце прэзідэнту”
Адпаведны законапраект зарэгістраваны ва ўкраінскім парламенце.
Аўтар дакументу — дэпутат па-за фракцыямі Мікола Рудзькоўскі. Тэкст праекта закону пакуль адсутнічае на сайце Вярхоўнай Рады, інфармуе УНІАН.
Нагадаем, што 21 лютага ў Адміністрацыі Прэзідэнта Украіны адбылася цырымонія падпісання Пагаднення аб урэгуляванні крызісу ва Украіне. Дакумент падпісалі прэзідэнт Віктар Януковіч і лідары апазіцыі Віталь Клічко, Арсеній Яцэнюк, Алег Цягнібок і шэраг дыпламатаў Еўрасаюзу.
Апроч таго, пасля падпісання “антыкрызіснага пагаднення”, Вярхоўная Рада Украіны прыняла некалькі законаў і пастановаў, скіраваных на вырашэнне палітычнага крызісу і дээскалацыю гвалту ва Украіне.
