Выйшла новая версія сайта "Перадоз" — адаптацыя для мабільных прыладаў
Лічыльнік Гейгера / pixabay.com
Арганізацыя "Экадом" зрабіла новую версію сайта "Перадоз" — народнага маніторынгу тэрыторый Беларусі, забруджаных у выніку аварыі на Чарнобыльскай АЭС. Цяпер ён адаптаваны для мабільных прыладаў.
Цяпер на сайце ўсе ахвочыя могуць не толькі праверыць замеры, зробленыя валанцёрамі ў розных месцах Беларусі, але і дадаць на мапу свае даныя аб радыеактыўнай сітуацыі ў сваім рэгіёне, якія могуць быць недаступныя для афіцыйных маніторынгавых станцый. Гэтыя звесткі могуць дапамагчы беларусам самім прымаць самыя розныя рашэнні — напрыклад, ці варта ў той ці іншай мясцовасці збіраць грыбы і ягады або ці будаваць там дом.
Сайт дазваляе сачыць за ўзроўнем радыяцыйнага забруджвання на сённяшні дзень. Паглядзець яго можна тут.
