Ягор Герасімаў перамог у Аўстраліі 40-ю ракетку свету
Ягор Герасімаў, які займае ў сусветным рэйтынгу 113-е месца, перамог на турніры АТП-250 ў аўстралійскай Адэлаідзе 40-ю ракетку свету. Беларускі тэнісіст абыграў венгра Мартана Фучавіча ў двух сэтах — 6:3, 6:4. Герасімаў — у 1/8 фіналу.
Арганізатары турніру ў Twitter памылкова напісалі, што Ягор Герасімаў абыграў... Раду Албота з Малдовы. Насамрэч ён яго абыграў яшчэ ў кваліфікацыі (6:3, 0:6, 6:2).
