Як выглядаюць спартсмены з КНДР, якія прыехалі на Алімпіяду (фота)

На Алімпіяду ў Пхёнчхане прыехала дэлегацыя Паўночнай Карэі. Фотарэпартаж змясціла агенцтва Reuters. 22 спартсмены з Паўночнай Карэі выступяць у фігурным катанні, жаночым хакеі (будзе аб’яднаная каманда КНДР і Паўднёвай Карэі), шорт-трэку, горных і бегавых лыжах. Іх суправаджаюць 24 афіцыйныя асобы. Таксама прыехаў 21 прадстаўнік СМІ. На адкрыцці Алімпійскіх гульняў спартсмены з Паўночнай і Паўднёвай Карэяў пройдуць разам.

XXIII зімовыя Алімпійскія гульні ў Паўднёвай Карэі пройдуць з 9 да 25 лютага.