Ярмошына: Некаторыя кандыдаты здымаюцца з выбараў па надуманых прычынах
![Ярмошына: Некаторыя кандыдаты здымаюцца з выбараў па надуманых прычынах](/sites/default/files/styles/gallery_main/public/2023-08/ermoshina_big.jpg.webp?itok=FWajRedo)
Некаторыя кандыдаты ў дэпутаты здымаюцца з выбараў па надуманых прычынах. Такую заяву 5 верасня зрабіла старшыня ЦВК Лідзія Ярмошына. На сённяшні дзень у выбарчай кампаніі працягвае ўдзельнічаць 491 кандыдат. Аднак яшчэ адзін чалавек збіраецца зняцца з гонкі.
"Ёсць такія кандыдаты, якія бачаць чорнае нават там, дзе яго няма. Заява, пададзеная сёння, з гэтай серыі", — цытуе словы Ярмошынай БЕЛТА. Высвятляецца, што згаданы кандыдат у дэпутаты тлумачыць сваё рашэнне зняцца з выбараў тым, што ў выбаркамах мала прадстаўнікоў партыі, чальцом якой ён з'яўляецца (гаворка пра Аб'яднаную грамадзянскую партыю). Старшыня ЦВК перакананая, што ён ведаў пра гэта і раней, проста і не думаў ісці на выбары, а толькі хацеў атрымаць бясплатны эфірны час і "прапіярыцца".
Выбары ў Палату прадстаўнікоў прызначаныя на 11 верасня. З аўторка ўжо пачынаюць праводзіць датэрміновае галасаванне.