Ён сам сышоў? Што ў Федэрацыі хакея кажуць пра адстаўку Дэйва Льюіса

Прадстаўнік ФХРБ: Такое спецыфічнае пытанне... На яго адказу я даць не магу. Разумееце, гэта пытанні нейкага другога парадку... Яны ўжо на сітуацыю не ўплываюць. І значэння, па сутнасці, не маюць. Трэба проста ў дадзенай сітуацыі зразумець, што рашэнне прынятае, агучанае, цяпер ёсць каму кіраваць зборнай, дзякуй богу, ёсць зборная і каму гуляць, і як мінімум на час Чэмпіянату свету адкласці гэтыя пытанні. Тэма асноўная — яна на лёдзе адбываецца. Вось чэмпіянат пройдзе, тады можна пра нешта казаць. Цяпер пакуль як яно ёсць — так яно ёсць. Рашэнне прынятае, яно ўсім вядомае.

Еўрарадыё: Як лічыце, ці атрымаецца ў Беларусі застацца ў дывізіёне наймацнейшых?

Прадстаўнік БФХ: Такога кшталту пытанні цяпер застануцца без адказу. На гэтае пытанне вам ніхто не дасць адказ. Рашэнне кадравае прынятае, пра яго вы ведаеце. А далей застаецца толькі балець за нашу зборную.

Дэйв Льюіс працаваў з беларускай дружынай з канца 2014 года. Цяпер абавязкі галоўнага трэнера зборнай Беларусі да заканчэння сусветнага першынства ўскладзеныя на Сяргея Пушкова, які ўваходзіў у трэнерскі штаб. Пушкоў — галоўны трэнер гродзенскага "Нёмана", чэмпіёна краіны. У мінулым ён расійскі хакеіст. На трэнерскай працы з 2006-га. У 2009 годзе Сяргей Пушкоў быў галоўным трэнерам юнацкай зборнай Беларусі.