За "фінансаванне экстрэмізму" будуць судзіць галоўнага спецыяліста Нацбанка
Аляксандр Цярэшчанка / БЕЛТА
У Мінскім гарсудзе адбудзецца працэс над галоўным спецыялістам Нацбанка Аляксандрам Цярэшчанкам, паведамляе праваабарончы цэнтр "Вясна".
Яму інкрымінуюць арт. 361-2 КК (фінансаванне дзейнасці экстрэмісцкага фармавання). Разгляд прызначаны на 29 студзеня, яго будзе весці суддзя Сяргей Кацэр.
У адной з праграм Азаронка было паказанае відэа з Цярэшчанкам. Мужчына казаў, што ўдзельнічаў у акцыях пратэсту і рабіў у Фэйсбуку рэпосты на тэму выбараў і COVID.
Праваабаронцы звяртаюць увагу, што ў праграме прапагандыста Цярэшчанку таксама называлі афіцэрам і "кіраўніком КДБ Барысаўскага раёна".
