За раман пра крамлёўскі крэматорый пісьменніку Сашу Філіпенку пагражае суд

На беларускага пісьменніка Сашу Філіпенку збіраюцца падаць у суд. Заяўніцу абурыў яго раман “Крэмулятар” пра крамлёўскі крэматорый.

"Яшчэ да выхаду кнігі ўнучка галоўнага героя (Пятра Ільіча Несцярэнкі) паспела прачытаць раман і зараз збіраецца падаваць на мяне ў суд, — піша Філіпенка. — Кніга яе настолькі абразіла, што "зараз яна не можа спаць". У сувязі з гэтым, унучка першага дырэктара Маскоўскага крэматорыя мае намер патрабаваць у судзе (верагодна ў нямецкім, таму што яна жыве ў Германіі) забароны публікацыі рамана".

“Крэмулятар” ужо праз тыдзень павінен з'явіцца ў продажы, хаця ўжо зараз раман можна прачытаць у часопісе “Знамя”. Таксама правы на яго пераклад пісьменнік ужо прадаў у Германію.