Заіка: Лукашэнка абыходзіцца беларусам у 4,5 мільярда долараў
Эканаміст Леанід Заіка кажа, што эканамічная вайна паміж Беларуссю і Расіяй ужо ідзе, Сяргей Чалы мяркуе, што калі Лукашэнка ўвяжацца ў гэтую вайну, то пакажа сваю слабасць, а былы расійскі міністр Яўген Ясін упэўнены, што Крэмль не спыніцца, пакуль Беларусь не прызнае Абхазію і Паўднёвую Асецію. З’яўленне ў эфіры НТВ “Хроснага бацькі-3” і адсутнасць відавочных памкненняў з боку як Расіі, гэтак і Беларусі спыніць інфармацыйную вайну нарадзіла перасцярогі, што яна можа перарасці ў вайну эканамічную. Еўрарадыё даведалася ў адмыслоўцаў, чым гэта можа пагражаць эканоміцы нашых краін.
На думку эканаміста Леаніда Заікі, эканамічная вайна паміж нашымі краінамі ўжо ідзе. Дакладней, Крэмль пачаў эканамічную вайну асабіста супраць Аляксандра Лукашэнкі.
Леанід Заіка: “Крэмль паабяцаў новыя тарыфы на газ, Крэмль прыбраў танную нафту. І, паводле маіх разлікаў, гэта абыходзіцца прыблізна ў 4,5 мільярда долараў. Гэта я называю падаткам на Аляксандра Рыгоравіча. Беларускі электарат напярэдадні выбараў мог бы ведаць, што менавіта Аляксандр Рыгоравіч абыходзіцца нам у 4,5 мільярда долараў. Гэта вельмі дарагі прэзідэнт”.
Калі ж у адказ на інфармацыйныя закіды з Расіі Беларусь вырашыць эканамічна пакараць суседа і, да прыкладу, перакрыць транзіт у Калінінград, то, лічыць Заіка, гэта будзе самазабойствам. Прынамсі, менавіта на гэта Крэмль і разлічвае, адзначае эканаміст.
Леанід Заіка: “У Крамлі сядзяць дастаткова разумныя і цынічныя людзі. І яны выдатна разумеюць, што паранены беларускі прэзідэнт, які абараняецца, будзе ажыццяўляць дзеянні, якія прывядуць да пагаршэння становішча ўсяго насельніцтва краіны. І на гэта робіцца стаўка. А таксама на пагаршэнне становішча шмат якіх груповак вакол Лукашэнкі. Таму як толькі адзінакамандуючы беларускай эканомікі пачне перашкаджаць транзіту тавараў, пастаўкам электраэнергіі ў Калінінград і гэтак далей, ён атрымае па поўнай праграме абсалютна свядомыя дзеянні з боку расійскай палітычнай эліты”.
Напрыклад, кажа Заіка, могуць перакрыць пастаўкі нафты на беларускія нафтаперапрацоўчыя заводы. І прыгадаў гісторыю з журналістам Паўлам Шараметам, якога выпусцілі з турмы менавіта пасля такой рэакцыі Крамля на затрыманне карэспандэнта канала АРТ. А ёсць яшчэ так званы малочны кранік. І да гэтых мер могуць перайсці. Бо, лічыць эканаміст, Пуцін паставіў задачу перад спецслужбамі “зняць” Лукашэнку, і яны выконваюць загад.
Тое, што эканамічная вайна ідзе ўжо больш за год, пагадзіўся і эканаміст Сяргей Чалы. Ён прыгадаў і выказванні Кудрына, і “малочныя войны”, і перагаворы па нафце, і міні-газавую вайну. Інфармацыйная вайна, лічыць ён, з'яўляецца лагічным працягам усіх тых дзеянняў. І зараз, кажа, Крэмль разлічвае на тое, што Беларусь уцягнецца ў гэтую эканамічную вайну.
Сяргей Чалы: “На гэта вельмі моцна разлічвае расійскі бок — ён спадзяецца справакаваць Беларусь на матэрыяльныя дзеянні. Пакуль ідзе абмен віртуальнымі ўколамі, якія асабліва нікога не закранаюць. Больш важна, хто першы міргне ў гэтай вайне, хто ад уколаў словамі пяройдзе да нечага больш сур’ёзнага. І пакажа гэтым сваю слабасць, што яго гэта сапраўды закранула. Расія на гэта разлічвае, і я думаю, што правільна нашыя робяць, асабліва на гэта не рэагуючы”.
Чалы таксама мяркуе, што за ўсімі апошнімі падзеямі стаіць палітыка і жаданне Крамля паўплываць на сітуацыю ў Беларусі напярэдадні выбараў. Але, кажа, гэта ніяк не атрымліваецца.
Былы міністр эканомікі Расіі, навуковы кіраўнік Вышэйшай школы эканомікі Яўген Ясін лічыць, што вайна ідзе не паміж Расіяй і Беларуссю, а выключна паміж Пуціным і Лукашэнкам. І карыстаюцца яны ў ёй аргументамі, недазволенымі ў міжнароднай практыцы. Але калі беларускі лідэр не вытрывае і пачне прымяняць супраць Расіі эканамічныя санкцыі, горш ад гэта будзе толькі Беларусі і яму асабіста.
Яўген Ясін: “Гэта прывядзе да захадаў у адказ: колькасць фільмаў павялічыцца, а магчымасці па прысваенні рэнты ад транзіту расійскіх тавараў — зменшыцца. І гэта закручванне гаек будзе адбывацца не на карысць адзін аднаму”.
Вось толькі расійскі бок, кажа Ясін, не спыніцца да таго часу, пакуль Лукашэнка не дасць загад прызнаць незалежнасць Абхазіі і Паўднёвай Асеціі.
Яўген Ясін: “Ён не хоча перад усім светам прызнаваць Абхазію і Паўднёвую Асецію незалежнымі дзяржавамі. Не хочацца! І я на яго месцы таксама не хацеў бы гэтага. Але калі ты столькі часу гандляваў такім таварам, як расійска-беларускае сяброўства, то давай — рабі выбар. Шмат хто ў Крамлі настроены па гэтым пытанні рашуча”.
Былы міністр спадзяецца, што ў Пуціна і Лукашэнкі хопіць розуму, каб спыніць абвастрэнне сітуацыі. Але ўпэўненасці ў гэтым асабліва няма, бо ад нашых кіраўнікоў можна чакаць чаго заўгодна.
На думку эканаміста Леаніда Заікі, эканамічная вайна паміж нашымі краінамі ўжо ідзе. Дакладней, Крэмль пачаў эканамічную вайну асабіста супраць Аляксандра Лукашэнкі.
Леанід Заіка: “Крэмль паабяцаў новыя тарыфы на газ, Крэмль прыбраў танную нафту. І, паводле маіх разлікаў, гэта абыходзіцца прыблізна ў 4,5 мільярда долараў. Гэта я называю падаткам на Аляксандра Рыгоравіча. Беларускі электарат напярэдадні выбараў мог бы ведаць, што менавіта Аляксандр Рыгоравіч абыходзіцца нам у 4,5 мільярда долараў. Гэта вельмі дарагі прэзідэнт”.
Калі ж у адказ на інфармацыйныя закіды з Расіі Беларусь вырашыць эканамічна пакараць суседа і, да прыкладу, перакрыць транзіт у Калінінград, то, лічыць Заіка, гэта будзе самазабойствам. Прынамсі, менавіта на гэта Крэмль і разлічвае, адзначае эканаміст.
Леанід Заіка: “У Крамлі сядзяць дастаткова разумныя і цынічныя людзі. І яны выдатна разумеюць, што паранены беларускі прэзідэнт, які абараняецца, будзе ажыццяўляць дзеянні, якія прывядуць да пагаршэння становішча ўсяго насельніцтва краіны. І на гэта робіцца стаўка. А таксама на пагаршэнне становішча шмат якіх груповак вакол Лукашэнкі. Таму як толькі адзінакамандуючы беларускай эканомікі пачне перашкаджаць транзіту тавараў, пастаўкам электраэнергіі ў Калінінград і гэтак далей, ён атрымае па поўнай праграме абсалютна свядомыя дзеянні з боку расійскай палітычнай эліты”.
Напрыклад, кажа Заіка, могуць перакрыць пастаўкі нафты на беларускія нафтаперапрацоўчыя заводы. І прыгадаў гісторыю з журналістам Паўлам Шараметам, якога выпусцілі з турмы менавіта пасля такой рэакцыі Крамля на затрыманне карэспандэнта канала АРТ. А ёсць яшчэ так званы малочны кранік. І да гэтых мер могуць перайсці. Бо, лічыць эканаміст, Пуцін паставіў задачу перад спецслужбамі “зняць” Лукашэнку, і яны выконваюць загад.
Тое, што эканамічная вайна ідзе ўжо больш за год, пагадзіўся і эканаміст Сяргей Чалы. Ён прыгадаў і выказванні Кудрына, і “малочныя войны”, і перагаворы па нафце, і міні-газавую вайну. Інфармацыйная вайна, лічыць ён, з'яўляецца лагічным працягам усіх тых дзеянняў. І зараз, кажа, Крэмль разлічвае на тое, што Беларусь уцягнецца ў гэтую эканамічную вайну.
Сяргей Чалы: “На гэта вельмі моцна разлічвае расійскі бок — ён спадзяецца справакаваць Беларусь на матэрыяльныя дзеянні. Пакуль ідзе абмен віртуальнымі ўколамі, якія асабліва нікога не закранаюць. Больш важна, хто першы міргне ў гэтай вайне, хто ад уколаў словамі пяройдзе да нечага больш сур’ёзнага. І пакажа гэтым сваю слабасць, што яго гэта сапраўды закранула. Расія на гэта разлічвае, і я думаю, што правільна нашыя робяць, асабліва на гэта не рэагуючы”.
Чалы таксама мяркуе, што за ўсімі апошнімі падзеямі стаіць палітыка і жаданне Крамля паўплываць на сітуацыю ў Беларусі напярэдадні выбараў. Але, кажа, гэта ніяк не атрымліваецца.
Былы міністр эканомікі Расіі, навуковы кіраўнік Вышэйшай школы эканомікі Яўген Ясін лічыць, што вайна ідзе не паміж Расіяй і Беларуссю, а выключна паміж Пуціным і Лукашэнкам. І карыстаюцца яны ў ёй аргументамі, недазволенымі ў міжнароднай практыцы. Але калі беларускі лідэр не вытрывае і пачне прымяняць супраць Расіі эканамічныя санкцыі, горш ад гэта будзе толькі Беларусі і яму асабіста.
Яўген Ясін: “Гэта прывядзе да захадаў у адказ: колькасць фільмаў павялічыцца, а магчымасці па прысваенні рэнты ад транзіту расійскіх тавараў — зменшыцца. І гэта закручванне гаек будзе адбывацца не на карысць адзін аднаму”.
Вось толькі расійскі бок, кажа Ясін, не спыніцца да таго часу, пакуль Лукашэнка не дасць загад прызнаць незалежнасць Абхазіі і Паўднёвай Асеціі.
Яўген Ясін: “Ён не хоча перад усім светам прызнаваць Абхазію і Паўднёвую Асецію незалежнымі дзяржавамі. Не хочацца! І я на яго месцы таксама не хацеў бы гэтага. Але калі ты столькі часу гандляваў такім таварам, як расійска-беларускае сяброўства, то давай — рабі выбар. Шмат хто ў Крамлі настроены па гэтым пытанні рашуча”.
Былы міністр спадзяецца, што ў Пуціна і Лукашэнкі хопіць розуму, каб спыніць абвастрэнне сітуацыі. Але ўпэўненасці ў гэтым асабліва няма, бо ад нашых кіраўнікоў можна чакаць чаго заўгодна.
