Знешні дзярждоўг Беларусі склаў 18,2 мільярда долараў і пабіў гістарычны рэкорд
![Знешні дзярждоўг Беларусі склаў 18,2 мільярда долараў і пабіў гістарычны рэкорд](/sites/default/files/styles/gallery_main/public/2023-08/nacbank-0401.jpg.webp?itok=y_gUU4lS)
Знешні дзяржаўны доўг Беларусі па стане на 1 снежня 2020 года склаў 18,2 мільярда долараў, паведамляе прэс-служба Міністэрства фінансаў.
Гэта гістарычны рэкорд.
Ад пачатку года знешні дзярждоўг вырас на 1 мільярд долараў, або на 5,9%.
Як паведамлялася, 30 снежня 2020 года Беларусь атрымала ад Расіі яшчэ 500 мільёнаў долараў — гэта першы транш крэдыту. Другая частка траншу павінна паступіць сёлета.
Агульны памер дзярждоўгу на 1 снежня перавысіў 56 млрд рублёў. Ад пачатку года ён вырас на 11,5 мільярда рублёў, або на 25,6%.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.