Зорка Галівуда падтрымала прарасійскіх сепаратыстаў ва Украіне (відэа)
Стывен Сігал выступіў на байк-фэсце ў Крыме, арганізаваным пракрамлёўскім клубам “Начныя ваўкі”.
Акцёр і музыка падчас канцэрту ў Севастопалі прымерыў майку з выявай прэзідэнта Расіі Уладзіміра Пуціна. Яе яму падарыў арганізатар мерапрыемства, прэзідэнт мотаклуба "Начныя ваўкі" Аляксандр "Хірург", перадае карэспандэнт агенцтва “РІА Навіны”. Акрамя таго, акцёр атрымаў у падарунак майку "Рускія матацыклісты" і статую волата.
Падчас кульмінацыі байк-шоў у ноч з 7 на 8 жніўня перад гледачамі разыгралі сцэны з кіеўскага Майдана і вайны на Данбасе. На бронетэхніцы, задзейнічанай падчас пастаноўкі, былі замацаваныя сцягі ДНР.
