ЗША могуць адмяніць санкцыі супраць Кубы
Прэзідэнт Злучаных Штатаў Барак Абама заявіў пра магчымасць перагляду адносін з Кубай.
З такой заявай ён выступіў падчас наведвання штата Фларыда, перадае РБК са спасылкай на агенцтва Reuters.
Эканамічныя санкцыі супраць Кубы адміністрацыя ЗША ўвяла больш за 50 гадоў таму. Абама мяркуе, што гэтая мера можа быць ужо не такой актуальнай. Ён падкрэсліў, што новае пакаленне амерыканцаў гатовае да пошуку "новых механізмаў" у вырашэнні праблем двухбаковых адносін.
Яшчэ да таго, як заняў пасаду прэзідэнта ЗША, Абама паабяцаў пазбягаць варожасці ў амерыкана-кубінскіх адносінах. Ён аслабіў забарону на наведванне Кубы і зняў шэраг абмежаванняў на грашовыя пераводы.
Калаж — savvy.by
