22 лютага ЕС разгледзіць санкцыі супраць беларускага рэжыму
ЕС разгледзіць новыя санкцыі супраць беларускага рэжыму / pexels.com
22 лютага прадстаўнікі краін ЕС пры Еўрасавеце разгледзяць новыя санкцыі супраць беларускага рэжыму.
"Рашэнне Савета і выканаўчы рэгламент аб абмежавальных мерах у сувязі з сітуацыяй у Беларусі і далучанасцю Беларусі да расійскай агрэсіі супраць Украіны", — абвяшчае адзін з пунктаў парадку дня сустрэчы.
Як распавядала Еўрарадыё, 10 студзеня старшыня Еўракамісіі Урсула фон дэр Ляен анансавала новыя санкцыі ЕС супраць беларускага рэжыму за падтрымку расійскай агрэсіі ва Украіне.
Паводле звестак у СМІ, новыя санкцыі могуць закрануць такія галіны, як нафта, вугаль, сталь і золата; гандлёвыя абмежаванні на прадметы раскошы, інвестыцыі; меры, якія закрануць авіяцыйны і энергетычны сектары краіны; забарона на экспарт тавараў і тэхналогій падвойнага прызначэння, якія выкарыстоўваюцца ў ваенных мэтах і здольных узмацніць прамысловы патэнцыял краіны.
