40 беларускіх турыстаў захрэслі ў аэрапорце Стамбула

40 турыстаў з Беларусі захрэслі ў Стамбуле, бо турэцкай авіякампаніі забаранілі лятаць над ЕС. 

Палёты забаранілі Southwind Airlines — самалётам гэтай авіякампаніі больш за 40 беларусаў павінны былі 30 сакавіка ляцець у Мінск. Рэйс адмянілі, і пасажыры даведаліся пра гэта за некалькі гадзін да палёта.

Ім прызначылі новы рэйс на 31 сакавіка ў 20:00. У Мінску ён павінен быць у 1:40 1 красавіка.