Афіцыйны Мінск апраўдваецца за вываз украінскіх дзяцей
![Дзеці, ілюстрацыйнае фота](/sites/default/files/styles/gallery_main/public/2023-09/dzieci-1509.jpg.webp?itok=Kwe3DM_h)
Дзеці, ілюстрацыйнае фота / pexels.com
Дзеці з акупаваных тэрыторый Украіны прыязджалі ў Беларусь толькі са згоды іх бацькоў і законных прадстаўнікоў. Пераважна гэта дзеці-сіроты, у якіх бацькі загінулі падчас вайны. Пра такую заяву амбасадара Беларусі ў Расіі Дзмітрыя Крутога паведамляе прэс-служба амбасады.
"Ад пачатку 2021 года і па цяперашні час на базе вядомага Нацыянальнага дзіцячага цэнтра "Зубраня" ды іншых аналагічных цэнтраў Беларусі прайшлі курс адпачынку і рэабілітацыі больш за 3,5 тысячы дзяцей Данбаса. У асноўным гэта дзеці-сіроты, бацькі якіх загінулі падчас баявых дзеянняў, альбо выхадцы з няпоўных, малазабяспечаных сем'яў", — кажа прадстаўнік афіцыйнага Мінску.
Паводле ягоных словаў, "выезд дзяцей на аздараўленне ў Беларусь ажыццяўляўся толькі са згоды іх бацькоў і законных прадстаўнікоў".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.