Алексіевіч папрасіла ЕС не забараняць уезд беларусам

Святлана Алексіевіч заклікала Літву і іншыя краіны Еўрасаюза не абмяжоўваць ўезд для беларусаў, піша DELFI.

Нельга вінаваціць грамадства за тое, што рэжым Лукашэнкі падтрымлівае Расію, мяркуе Алексіевіч.

— Вядома, уся краіна запоўненая расійскай зброяй, танкамі, самалётамі, але ж Беларусь іх не прымала, гэта не яе сябры — яна акупаваная тэрыторыя.

З 19 верасня ў Літве, Латвіі, Эстоніі і Польшчы дзейнічае забарона на ўезд для расійскіх турыстаў праз знешнія межы Еўрапейскага Саюзу. Міністр унутраных спраў Літвы Агне Білатайце сказала, што магчыма ўвядзенне такіх жа абмежаванняў для турыстаў з Беларусі.

— Думаць, што праз гэта яны стануць рэвалюцыянерамі, наіўна, — кажа Алексіевіч. — Не стануць яны рэвалюцыянерамі, а жыццё ў іх стане цяжэй. Пацерпіць шмат людзей, якія былі са мной на маршах пратэсту, ім цяпер складана атрымаць візу, вучыцца.

На гэтым тыдні ў Каўнасе Святлане Алексіевіч уручылі рэгаліі ганаровага доктара універсітэта ім. Вітаўтаса Вялікага. Таксама яна ўдзельнічала ў фестывалі "Каўнаскі літаратурны тыдзень".