Аляксандр Турчынаў будзе выконваць абавязкі прэзідэнта Украіны
Такое рашэнне 23 лютага прыняла Вярхоўная Рада. 285 дэпутатаў з 359 прагаласавалі за адпаведную пастанову.
Пастанова прадугледжвае ўскладанне абавязкаў прэзідэнта на старшыню Вярхоўнай Рады, пакуль ва Украіне не выберуць новага прэзідэнта, перадае УНІАН.
22 лютага украінскі парламент абвясціў імпічмент Віктару Януковічу і прызначыў датэрміновыя прэзідэнцкія выбары на 25 траўня 2014 года. Януковіч заявіў, што не прызнае рашэння ВР і яго адхілення ад пасады прэзідэнта.
Месцазнаходжанне Януковіча невядомае.
