Азаранка прайграла Вінус Уільямс на старце турніра ў Токіа
Другая ракетка свету саступіла 33-гадовай Уільямс у двух сэтах — 2:6, 4:6.
Сустрэча другога круга (менавіта з гэтай стадыі турніра стартавала Вікторыя Азаранка) працягнулася ўсяго 1 гадзіну 21 хвіліну. Вынік сенсацыйны, асабліва калі ўлічваць, што беларуская тэнісістка пасеяная на турніры пад першым нумарам.
Наступнай суперніцай Вінус Уільямс, якая зараз займае 63 месца ў сусветным рэйтынгу, будзе румынка Сімона Халеп.
Прызавы фонд турніра ў Токіа складае 2,3 мільёны долараў.
Фота: REUTERS.
