Беларусь разлічвае атрымаць расійскі крэдыт на пачатку 2014 года
Беларусь разлічвае, што 2 млрд долараў будуць выдадзеныя на ўмовах, прыкладна адпаведных умовам вылучэння стабкрэдыту Антыкрызіснага фонду ЕўрАзЭС.
Пра гэта заявіў першы намеснік міністра фінансаў Уладзімір Амарын, перадае interfax.by. Па словах чыноўніка, умовы падачы крэдыту на 10 гадоў выцякаюць з тых умоваў, на якіх Беларусь атрымоўвала сродкі з Антыкрызіснага фонду.
Амарин дадаў, што гэта будзе міжурадавы крэдыт. Ён будзе ў форме выдачы сродкаў як з бюджэту, так і з пазабюджэтных крыніцаў.
Чыноўнік адзначыў, што сусветны эканамічны крызіс закранае эканомікі і Расіі, і Беларусі, адбіваючыся на тэмпах іх эканамічнага росту і экспарце. Таму вылучэнне крэдыту будзе працаваць на эканомікі абедзвюх дзяржаў, упэўнены ён.
