Беларусь заняла 3-е месца сярод краін былога СССР па росце спажывецкіх цэн

Трэцяе месца сярод краін былога СССР па росце спажывецкіх цэн заняла Беларусь па выніках студзеня—жніўня 2009 года. Пра гэта сведчыць праведзены БелаПАН аналіз звестак нацыянальных органаў статыстыкі. На працягу першага квартала Беларусь лідзіравала па гэтым паказчыку, па выніках красавіка саступіла першынство Украіне, а ў чэрвені прапусціла наперад Расію.

Ва Украіне цэны выраслі з пачатку года на 8,2%, у Расіі — на 8,1%, у Беларусі — на 7,5%.

У жніўні ў Беларусі адзначана дэфляцыя на ўзроўні 0,2%. Па гэтым паказчыку краіна падзяліла пятае месца з Літвой і Ўкраінай.