Беларусам забароняць ваяваць за іншыя дзяржавы — нават добраахвотна
Крымінальная адказнасць будзе ўведзеная ў Беларусі за ўдзел ва ўзброеных фармаваннях на тэрыторыі замежных дзяржаваў. Адпаведныя змены ў законапраекты дэпутаты Палаты прадстаўнікоў ухвалілі 4 красавіка ў двух чытаннях. Цяпер крымінальная адказнасць будзе накладацца не толькі за наёмніцтва, але і за добраахвотны ўдзел у баявых дзеяннях.
Праекта змяненняў прадставіў у парламенце старшыня КДБ Валерый Вакульчык. Ён патлумачыў, дзеля чаго ўносяцца адпаведныя зменыў заканадаўства.
Вакульчык: "Папярэдзіць удзел нашых грамадзян ва ўзброеных канфліктах за мяжой — незалежна ад матываў, таго, дзе гэта адбываецца, з якой мэтай і г.д."
