Беларускага амбасадара ў Польшчы выклікалі ў МЗС за заявы Лукашэнкі
Амбасадара Беларусі ў Польшчы сёння выклікалі ў Міністэрства замежных спраў гэтай краіны. Выклік звязаны з заявай Алякандра Лукашэнкі, быццам Польшча хоча забраць у Беларусі Гродзенскую вобласць.
"У сувязі з неаднаразовымі неабгрунтаванымі абвінавачваннямі ўладаў Беларусі на адрас Польшчы — сёння ў 15:00 у МЗС Рэспублікі Польшчы быў выкліканы амбасадар Рэспублікі Беларусь", — напісаў у Твітары намеснік міністра замежных спраў Марцін Пшыдач.
На нарадзе 27 жніўня Лукашэнка заявіў: "Вы бачыце гэтыя заявы пра тое, што калі Беларусь распадзецца, то Гродзенская вобласць адыдзе Польшчы. Яны пра гэта ўжо ў адкрытую кажуць, спяць і бачаць".
Акрамя таго, на днях Лукашэнка заявіў, быццам у Гродне вывешваюць дзяржаўныя польскія сцягі.
W związku z powtarzającymi się bezpodstawnymi oskarżeniami władz Białorusi pod adresem Polski - dziś na godz. 15.00 do MSZ RP został wezwany Ambasador Republiki Białorusi.
— Marcin Przydacz (@marcin_przydacz) August 27, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
