Беларускія адвакаты займелі ўласны гімн — на беларускай мове

Беларуская калегія адвакатаў прадставіла свой уласны гімн. Адметна, што тэкст песні беларускамоўны, а стварыў яго загадчык юрыдычнай кансультацыяй Лоеўскага раёна Віктар Кацуба.

Музыку да гімну напісаў Анатоль Івашка. Паслухаць гэты музычны твор можна тут. Гімн зацвердзілі 6 ліпеня на пасяджэнні савета Беларускай калегіі адвакатаў.

Тэкст гімна выглядае так:

Ад ранку да ночы на працы нязменна,

I кожны з нас людзям таварыш i брат.

Мы службу нясем кожнадзенна, сумленна

Як верны Айчыны, адважны салдат.

Прыпеў:

Адвакаты — адданыя рыцары,

Мы — Фемiды святы легiён.

Непадкупнага Права служыцелi,

Намi правяць Дабро i Закон.

Законаў суровых заусёды на варце,

Няма нам нi стомы, нi радасных свят.

I людзi з надзеяю нам давяраюць:

Заужды дапаможа ў бядзе Адвакат.

Прыпеў:

Мы верны Радзiме, адданы народу,

Мы iсцiне служым, як мудры Сакрат.

Гарант непарушных правоў i свабодаў.

Мы гордыя званнем сваiм, Адвакат.

Прыпеў: