Біскуп Касабуцкі: бачым актывізацыю рэпрэсій у дачыненні Каталіцкага Касцёла

"Мы бачым актывізацыю рэпрэсій у дачыненні Каталіцкага Касцёла ў нашай краіне, — піша біскуп Касабуцкі ў Facebook. — Мы адкрыта выступаем супраць кожнага граху, супраць насілля і гвалту, супраць хлусні і фальшы, супраць рэпрэсій, супраць ціску і запалохвання, супраць прыніжэння чалавечай годнасці...".

Юрый Касабуцкі заклікаў вернікаў маліцца за Бацькаўшчыну, за народ, "за тых людзей, якія знаходзяцца за кратамі па палітычных матывах", а таксама за тых, "каго звальняюць з працы за іх погляды, за тых, каго запалохваюць і шантажыруюць".

У лістападзе Генпракуратура Беларусі афіцыйна папярэдзіла біскупа Касабуцкага "аб недапушчальнасці парушэння закону" за яго асуджэнне ліквідацыі ўладамі народнага мемарыялу Рамана Бандарэнкі. Пасля гэтага ён заявіў, што не выключае распачацця крымінальнай справы.