Бізнесовец Аркадзь Ізраілевіч прайграў суд газеце "Новы час"

Бізнесовец Аркадзь Ізраілевіч прайграў суд газеце "Новы час"

10 верасня ў судзе Савецкага раёна Мінска быў вынесены прысуд па справе аб абароне гонару, годнасці і дзелавой рэпутацыі бізнесоўца Аркадзя Ізраілевіча. Адказчыкамі выступалі газета "Новы час" і незалежны журналіст Дзяніс Івашын. Выданне публікавала расследаванне Івашына, у якім сцвярджаецца, што кампанія Ізраілевіча, ТАА "ІВ", з'яўляецца бенефіцыярам будаўніцтва скандальна вядомай рэстарацыі "Поедем поедим" у Курапатах каля народнага мемарыялу ахвярам сталінскіх рэпрэсій. Ізраілевіч заявіў, што гэта няпраўда, і запатрабаваў у газеты апублікаваць абвяржэнне інфармацыі, а таксама матэрыяльнай кампенсацыі — 40 тысяч беларускіх рублёў (за "эмацыйныя перажыванні і пагаршэнне фізічнага стану").

У выніку Ізаілевіч прайграў суд, іск быў адхілены. Ён мусіць заплаціць 600 рублёў кампенсацыі адказчыкам за паслугі адвакатаў.

Галоўная рэдактарка "Новага часу" Аксана Колб у каментары Еўрарадыё сказала, што, нягледзячы на прысуд, гатовая прадаставіць Аркадзю Ізраілевічу магчымасць патлумачыць сваю пазіцыю на пляцоўцы свайго выдання. Яна радая, што "суд стаў на бок справядлівасці".

Апошнія навіны

Галоўнае

Выбар рэдакцыі