Брэсцкую актывістку Алену Гнаук адпусцілі з міліцыі
У Брэсце з міліцыі адпусцілі 64-гадовую актывістку Алену Гнаук. Пра гэта жанчына сама напісала ў сваім акаўнце ў Фэйсбуку.
19 жніўня яе выклікалі ў РАУС, дзе і затрымалі. Ноч жанчына правяла ў міліцыі.
Праваабаронцы ўдакладняюць, што справу Гнаук накіравалі на дапрацоўку.
Сёлета ў траўні яе асудзілі па "карагоднай справе" на два гады "хатняй хіміі". Два тыдні таму на брастаўчанку пачалі яшчэ адну крымінальную справу — яе вінавацяць у "абразе прэзідэнта".
