Цэнтр сямейнага адпачынку будуюць без праекта і грошай
У Барысаве на месцы былога будынка лячэбна-працоўнага прафілакторыя задумалі пабудаваць Цэнтр сямейнага адпачынку. Але пакуль тут — звалка.
Будаўніцтва Цэнтра пачалося ў лістападзе 2010 года. Аднак, акрамя плота і груды смецця, на будпляцоўцы нічога новага не з'явілася.
На пытанне ex-Press, хто нясе адказнасць за гэтую несанкцыянаваную звалку ў цэнтры горада, дырэктар арганізацыі-падрадчыка "БелДомБуд" сказаў, што з гэтымі прэтэнзіямі — не да яго. Іх кампанія ў дадзены момант не мае ні праекта будучага Цэнтра, ні грошай на яго будаўніцтва.
