Чачэнскі тэлеканал паказаў, як былы мэр Грознага катуе жанчын электрашокерам

Дзяржаўны тэлеканал "Грозны" паказаў, як былы мэр сталіцы Чачні Іслам Кадыраў катуе жанчын электрашокерам. Відэа здымала прэс-служба Кадырава. На ім ёсць і іншыя правапарушэнні: пагрозы людзям і выкарыстанне да іх сілы. Такім чынам чыноўнік спрабаваў атрымаць ад іх "патрэбную інфармацыю". Пасля выхаду тэлесюжэта паліцыя Чачні пачала праверку, інфармуе "Новая газета".

Іслам Кадыраў — траюрадны пляменнік кіраўніка Чачні Рамзана Кадырава. Ён стаў мэрам у 25 гадоў у 2012-м. Пасля працаваў кіраўніком адміністрацыі чачэнскага кіраўніка, ва ўрадзе рэспублікі (быў віцэ-прэм'ерам). Аднак пазней Рамзан Кадыраў яго пазбавіў усіх пасадаў.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.