Да -24 будзе ў Беларусі ўначы 23 лютага

У чацвер, 23 лютага, у Беларусі прагназуецца пераменная воблачнасць, паведамляе Белгідрамет.

Будзе пераважна без ападкаў. Уначы і зранку месцамі чакаюцца слабы туман, шэрань, на асобных участках дарог — галалёдзіца. Вецер уначы будзе няўстойлівы слабы, удзень — паўднёвы ўмераны.

Тэрмометры ўначы пакажуць ад -4 па паўднёвым захадзе да -24 па паўночным усходзе краіны. Удзень чакаецца 0..-5, па захадзе Беларусі будзе 1-3 цяпла, па паўночным усходзе — 6-8 ніжэй за нуль.