Дашкевіча і Лобава перавялі на "Валадарку"
Суд над юнакамі мусіць адбыцца цягам месяца - справа ўжо была перададзеная на вывучэнне ў суд.
Як паведамілі супрацоўнікі турмы, старшыню "Маладога Фронту" Змітра Дашкевіча і мінскага каардынатара Эдуарда Лобава перавялі ў СІЗА №1 ўвечары 2 сакавіка.
Маладафронтаўцаў вінавацяць у нападзе і збіцці кулакамі і металічнымі абцугамі двух выпадковах мінакоў. Крымінальны кодэкс прадугледжвае за такія дзеянні зняволенне на тэрмін ад 3-х да 8-мі год.
"Малады Фронт" і праваабаронцы заяўляюць пра палітычную падаплёку гэтай крымінальнай справы, паведамляе прэс-служба арганізацыі.
Фота: newsby.org
