Двое дзяцей загінулі на пажары ў Гомельскай вобласці
![У момант пажару дома была маці з чатырма дзецьмі, дваіх яна паспела вывесці / @skgovby](/sites/default/files/styles/gallery_main/public/2023-08/deti_12_12.jpg.webp?itok=mQIe9NgY)
У момант пажару дома была маці з чатырма дзецьмі, дваіх яна паспела вывесці / @skgovby
Двое дзяцей — чатырохгадовая дзяўчынка і трохгадовы хлопчык — загінулі раніцай у панядзелак на пажары ў Гомельскай вобласці, паведамляюць у Следчым камітэце.
Пажар здарыўся ў Жыткавічах. У той момант дома была маці з чатырма дзецьмі. Дваіх яна паспела вывесці да прыезду ратавальнікаў. Целы яшчэ дваіх знайшлі супрацоўнікі МНС падчас ліквідацыі пажару.
Следчыя пачалі праверку — спрабуюць высветліць абставіны і прычыны ўзгарання.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.