Дзяржбанк развіцця Кітая выдзеліць "Беларусбанку" крэдыт на 100 млн долараў
Дзяржаўны банк Кітая выдзеліць "Беларусбанку" 100 млн долараў на фінансаванне бягучай дзейнасці. Мемарандум аб выдзяленні крэдыту тэрмінам на тры гады быў падпісаны ў Пекіне, дзе з 28 па 30 верасня знаходзіўся з дзяржаўным візітам Аляксандр Лукашэнка.
Як тлумачыць прэс-служба "Беларусбанка", дакумент выказвае намеры кітайскага банка вылучыць "Беларусбанку" 100 млн даляраў з 300-мільённай крэдытнай лініі, адкрытай у рамках генеральнага крэдытнага пагаднення ад 2015 года. Яшчэ адным бокам мемарандума выступіла Міністэрства фінансаў Беларусі. Крэдыт тэрмінам на тры гады будзе накіраваны на фінансаванне бягучай дзейнасці "Беларусбанка", паведамляе БелаПАН.
У працяг ўжо дасягнутых у чэрвені бягучага года дамоўленасцей "Беларусбанк" і Дзяржаўны банк развіцця Кітая "замацавалі свае намеры" аб фінансаванні інвестыцыйнага праекта "Славкалій" у дамове аб выбарцы крэдытных сродкаў.
Акрамя таго, "Беларусбанк" і Міністэрства фінансаў Беларусі падпісалі з кітайскай CITIC Construction Co., Ltd. пагадненне аб узаемадзеянні па стварэнні беларуска-кітайскага інвестыцыйнага фонду.
"Такім чынам, створана аснова для заснавання ў нашай краіне дэбютнай структуры, надзеленай функцыямі мабільнага універсальнага інвестыцыйнага фонду, адкрытага для прытоку капіталу не толькі з Кітая і Беларусі, але і іншых краін. Фонд зможа самастойна вызначаць аб'екты для фінансавання, не абмяжоўваючыся праектамі, што рэалізуюцца Кітаем на тэрыторыі Беларусі. Доля ўдзелу "Беларусбанка" - 40% ", – удакладняе прэс-служба.
