Дзясяткі загінулі і сотні пацярпелі пасля выбуху на АЗС у Нагорным Карабаху
![Каля АЗС выбухнула цыстэрна з бензінам](/sites/default/files/styles/gallery_main/public/2023-09/karabah_26_09.jpg.webp?itok=VsIO-3KT)
Каля АЗС выбухнула цыстэрна з бензінам / twitter.com/NEWSam
У Нагорным Карабаху ў выніку выбуху цыстэрны з бензінам, якая знаходзілася побач з АЗС, загінулі дзясяткі і пацярпелі сотні чалавек, паведамляе рэсурс "Навіны Арменіі".
У медустановы з апёкамі рознай ступені дастаўленыя 290 чалавек. Асноўная частка пацярпелых знаходзіцца ў Рэспубліканскім медцэнтры. "На жаль, жыцця семярых пацыентаў не ўдалося выратаваць — яны памерлі ў бальніцы", — кажуць у Інфаштабе Нагорнага Карабаха. Акрамя таго, дзясяткі пацярпелых ад выбуху застаюцца ў вельмі цяжкім стане
Паведамляецца таксама, што ў Бюро судова-медыцынскай экспертызы даставілі 13 неапазнаных целаў, некаторыя моцна абгарэлі. З іншага боку ёсць шмат заяў аб зніклых без вестак.
Нагадаем, тысячы армян, якія дагэтуль пражывалі ў Нагорным Карабаху, пакідаюць свае дамы і перабіраюцца ў Арменію. Сыход пачаўся пасля заявы Азэрбайджана аб усталяванні кантролю над рэгіёнам. Людзі баяцца этнічных чыстак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.