EPAM канчаткова сышоў з Расіі
![Офіс EPAM / Reuters](/sites/default/files/styles/gallery_main/public/2023-08/epam_3_08.jpg.webp?itok=AdYSW5OB)
Офіс EPAM / Reuters
Распрацоўшчык праграмнага забеспячэння EPAM прадаў сваю расійскую юрыдычную асобу ТАА "Эпам Сістэмз" мясцовай групе "Рэксофт", піша "Інтэрфакс".
Угода адбылася 2 жніўня. Пасля пачатку вайны Расіі супраць Украіны кіраўніцтва EPAM заявіла пра намер сысці з расійскага рынку. Пакупнік — кампанія "Рексофт" (Reksoft) — займаецца ў Расіі распрацоўкай лічбавых рашэнняў для многіх сфер, у тым ліку фінансавага і дзяржсектара, рытэйлу, транспарту, лагістыкі і медыя. Паводле звестак на жнівень 2022 года, 20% гэтай кампаніі належыць структуры "Інтэрроса" Уладзіміра Патаніна.
Юрасоба EPAM ў Расіі была зарэгістраваная ў 2001 годзе. Летась расійская дачка EPAM спрацавала ў страту, якая склала 3 млрд расійскіх рублёў (больш за 32 мільёны долараў). А ў даваенным 2021 годзе кампанія мела прыбытак у 5,5 млрд рублёў.
![EPAM окончательно ушел из России](/sites/default/files/styles/default_image_paragraph/public/paragraphs/image/22_81.jpg.webp?itok=jpMIV7D_)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.