Еўра-2020: дацкі футбаліст страціў прытомнасць, матч перапынілі
Футбалісты і лекары каля Эрыксена / Reuters
Футбаліст зборнай Даніі Крысціян Эрыксен страціў прытомнасць падчас матчу супраць зборнай Фінляндыі. Лекары спрабавалі аказаць яму дапамогу прама на месцы, у тым ліку непрамым масажам сэрца.
Нягледзячы на намаганні медыкаў, Эрыксен не прыйшоў у сябе. Праз 15 хвілін 29-гадовага футбаліста аднеслі ў падтрыбуннае памяшканне. Лекары надзелі на яго кіслародную маску. Пазней яго павезлі са стадыёна на хуткай дапамозе.
Як пазней паведаміла УЕФА, Эрыксен знаходзіцца ў шпіталі, яго стан стабілізаваўся.
Каспер Шмейхель успокаивал жену Кристиана Эриксена. Она спустилась с трибун, но врачи не пустили ее к мужу. pic.twitter.com/5ZO5TRgidt
— Eurosport.ru (@Eurosport_RU) June 12, 2021
Christian Eriksen has been transferred to the hospital and has been stabilized, according to a statement from UEFA. pic.twitter.com/tINHNzw74h
— SportsCenter (@SportsCenter) June 12, 2021
"Я толькі што размаўляў з бацькам Крысціяна, ён сказаў мне, што яго сын дыхае і што ён можа гаварыць", — паведаміў каля 21: 00 Марцін Шутс, агент Крысціяна Эрыксена.
Хоць першапачаткова планавалася, што матч перанясуць на 13 чэрвеня, было вырашана аднавіць яго 12 чэрвеня ў 21:30.
