Еўрапейскія астраномы зафіксавалі гіганцкае касмічнае вока (фота, відэа)
Еўрапейскія астраномы зафіксавалі гіганцкае касмічнае вока. Менавіта яго нагадвае старая зорка U (U Antliae) у сузор’і Насаса. Якасныя здымкі зрабіў тэлескоп ALMA, паведамляе прэс-служба Еўрапейскай паўднёвай абсерваторыі.
Зорка вядомая ўжо каля 30 гадоў. Яна знаходзіцца на апошнім этапе сваёй эвалюцыі, паколькі амаль цалкам скончыўся запас вадароднага “паліва”. Зорка пашыраецца і пачынае скідваць з сябе ў космас рэчыва знешніх абалонак, вакол яе збіраецца газ, які свеціцца. У будучым U стане белым карлікам.
