NASA аднавіла зніклую сувязь з касмічным зондам "Вояджэр-1"
"Вояджэр-1" быў запушчаны ў верасні 1977 года / universemagazine.com
NASA аднавіла зніклую сувязь з касмічным зондам "Вояджэр-1". Ён знаходзіцца за 24 мільярды кіламетраў ад Зямлі, паведамляе "Голас Амерыкі".
"Вояджэр-1" быў запушчаны ў верасні 1977 года. Ён з'яўляецца самым аддаленым ад нашай планеты касмічным апаратам. Яго прыборы дагэтуль здольныя даследаваць космас.
Сувязь з зондам раптоўна абарвалася. Аднак інжынеры NASA выкарысталі радыёперадавальнік, які не задзейнічалі з 1981-га. І ім удалося аднавіць сувязь.
Інжынеры паступова адключаюць кампаненты "Вояджэр-1" для эканоміі энергіі, што дазваляе яму перадаваць унікальныя навуковыя даныя.
