МЗС Беларусі даў рэкамендацыі суайчыннікам, якія знаходзяцца ў Паўднёвай Карэі
Людзі каля будынка парламента Паўднёвай Карэі / Getty Images
МЗС Беларусі звярнуўся з рэкамендацыямі да суайчыннікаў у сувязі з увядзеннем ваеннага становішча ў Паднёвай Карэі.
Дыпламаты заклікаюць беларусаў, якія знаходзяцца ў гэтай краіне, захоўваць спакой, выконваць меры засцярогі і патрабаванні карэйскіх уладаў. Таксама яны рэкамендуюць беларусам устрымацца ад удзелу ў якіх-небудзь масавых мерапрыемствах.
Як расказвала Еўрарадыё, прэзідэнт краіны Юн Сок Ёль абвясціў ваеннае становішча на фоне імпічменту, які хоча вынесці яму апазіцыя. Дэпутаты парламента большасцю галасоў (190 з 300) адмянілі рашэнне прэзідэнта.
Дарэчы, няправільным рашэнне Юна назваў нават лідар прапрэзідэнцкай партыі "Сіла народа" Хан Дон Хуан. Ён абяцае спыніць дзеянне ваеннага становішча "разам з народам".
Тым часам начальнік штаба паўднёвакарэйскай арміі генерал Пак Ен Су, якога прызначылі камандуючым ваенным становішчам, заявіў, што дзейнасць парламента і палітычных партый прыпыняецца.
