Еўрасаюз і Украіна падпісалі пагадненне аб гарантыях бяспекі
Прэзідэнт Еўрасавета Шарль Мішэль, Уладзімір Зяленскі і кіраўніца Еўракамісіі Урсула фон дэр Ляен / x.com/CharlesMichel/
Еўрасаюз і Украіна падпісалі пагадненне аб гарантыях бяспекі. Такія пагадненні асобна падпісаныя з Эстоніяй і Літвой. Адбылося гэта 27 чэрвеня на саміце ЕС у Бруселі з удзелам украінскага прэзідэнта Уладзіміра Зяленскага.
Як піша hromadske.ua, дакумент, падпісаны з ЕС, прадугледжвае падтрымку Украіны па праграме Ukraine Facility ў памеры 50 мільярдаў еўра, а таксама тэрміновыя кансультацыі на працягу сутак у выпадку верагоднай агрэсіі супраць украінскай дзяржавы ў будучыні. У ім ідзе гаворка пра доўгатэрміновую абаронную дапамогу (у тым ліку пастаўкі зброі) і пра "будучыню Украіны і яе грамадзян у Еўрасаюзе", пра аднаўленне краіны ў пасляваенны час.
Раней Зяленскі анансаваў падпісанне гэтых пагадненняў, адзначаючы, што пагадненне з Еўрасаюзам "упершыню замацуе абавязанні ўсіх 27 дзяржаў-членаў надаваць Украіне шырокую падтрымку, нягледзячы на любыя інстытуцыйныя змены ўнутры".
Dear @ZelenskyyUa the opening of accession negotiations was an historic moment.
— Ursula von der Leyen (@vonderleyen) June 27, 2024
You will find your rightful place in our Union.
Today we disburse a new €1.9 billion under the Ukraine Facility.
To keep the Ukrainian state running as you fight for freedom. pic.twitter.com/Z5L92AE70C
