ФІФА прызнала факт подкупу пры выбарах краін-гаспадароў ЧС-1998 і 2010
Афіцыйнае паведамленне пра подкуп размешчанае на сайце арганізацыі. ФІФА накіравала ў ЗША, органы якіх расследуюць справу аб карупцыі ў ФІФА, 21-старонкавы дакумент, які пацвярджае факты подкупу. На хабар, паводле дакумента, пайшло некалькі дзясяткаў мільёнаў долараў.
Чэмпіянат свету па футболе 1998 года прайшоў у Францыі, 2010 года — у ПАР. Разам з тым у апублікаваных дакументах няма згадак пра тое, ці меў месца подкуп футбольных чыноўнікаў падчас выбараў краін-гаспадароў будучых чэмпіянатаў свету. Бліжэйшы пройдзе ўжо у 2018 годзе ў Расіі.
