Ганна Канапацкая заклікала дэпутатаў увесці мараторый на смяротную кару

Дэпутат Ганна Канапацкая прапанавала Палаце прадстаўнікоў увесці мараторый на выкананне смяротных прысудаў, каб стаць "часткай Еўропы", піша ria.ru.

Беларусь застаецца адзінай краінай у Еўропе, дзе ўжываецца смяротнае пакаранне. На сёння смяротная кара застаецца адзінай перашкодай для аднаўлення Беларусі ў Савеце Еўропы. На рэферэндуме 1996 года за захаванне смяротнай кары прагаласавалі амаль 80,5% удзельнікаў плебісцыту. І дагэтуль улады спасылаюцца на вынікі таго галасавання. 

Канапацкая, якая прадстаўляе апазіцыйную Аб'яднанаую грамадзянскую партыю, заклікала: "Дэпутаты павінны ўзяць на сябе адказнасць і праводзіць тлумачальную працу ў грамадстве, што смяротнае пакаранне не ўплывае на крымінагенную абстаноўку, і выйсці з прапановай, каб Палата прадстаўнікоў унесла прапанову аб мараторыі на смяротнае пакаранне". Заява прагучала на сустрэчы ў парламенце па пытаннях смяротнага пакарання якая прайшла 3 траўня. Дэпутат падкрэсліла, што ўвядзенне мараторыю на смротную кару мэтазгоднае, "калі мы хочам быць часткай Еўропы".
 
У адказ намеснік старшыні камісіі па бюджэце і фінансах Палаты прадстаўнікоў Аляксандр Цацоха заявіў, што ў парламенце "з'явіліся рэфарматары, гатовыя ўжо заўтра ўвесці мараторый". На яго думку, да гэтай ініцыятывы трэба падыходзіць асцярожны, бо "гэта працэс у адным кірунку і шляху назад не будзе".

На пачатку 2018 года ў Беларусі плануецца ініцыяваць правядзенне парламенцкіх слуханняў па смяротнай кары.