Гомельская вобласць — самая "экстрэмісцкая" ў Беларусі
Гомельскі міліцыянер правярае дакументы / t.me/uvdgomel
Гомельская вобласць — самая "экстрэмісцкая" ў Беларусі. На 10 тысяч яе жыхароў прыпадае 2,2 "экстрэміста". Гэта самы высокі паказчык сярод усіх абласцей краіны і сталіцы, піша "Флагшток". Выданне прааналізавала спіс нядобранадзейных для ўладаў грамадзян і ацаніла маштаб рэпрэсій.
У спісе "экстрэмістаў", які складае МУС РБ, 1469 чалавек. Кожны пяты з іх — жыхар Гомельскай вобласці. Мінчукоў у спісе 391 чалавек. Сярод абласных цэнтраў лідыруе Брэст — 115 "экстрэмістаў" (Гомель займае трэцяе месца — 111). У топ-5 самых "экстрэмісцкіх" гарадоў увайшоў адзін раённы цэнтр — Жлобін з Гомельшчыны. Там на тысячу жыхароў прыпадае больш за аднаго "экстрэміста".
