Гродзенскага блогера Вадзіма Ермашука асудзілі на 25 сутак
Гродзенскага блогера Вадзіма Ермашука (Vadimati) асудзілі на 25 сутак адміністрацыйнага арышту. Яго затрымалі 16 жніўня — ён прыехаў у Шчучын здымаць гумарыстычны ролік для свайго Instagram. Прысуд быў агучаны ў Шчучынскім раённым судзе ў чацвер. Блогера пакаралі нібыта за заклікі прыехаць на спартовае мерапрыемства — на скейт-пляцоўку ў гэтым раённым цэнтры.
Па словах адваката, Ермашук усе тры дні за кратамі адмаўляўся ад ежы.
Перад паездкай у Шчучын у панядзелак Вадзім Ермашук наведаў у Гродне суд, у якім агучылі прысуд траім удзельніцам пратэстаў. Летась Ермашука аштрафавалі за ўдзел у вулічнай акцыі.
