Гурт “Ленинград” праспяваў песню пра “лабутэны” без мацюкоў

Эпатажны расійскі гурт “Ленинград” перапеў свой хіт “Экспанат” у шоў “Вечаровы Ургант” на Першым канале. Пры гэтым з песні давялося выкінуць нецэнзурнае слова, замяніўшы эпітэт “о...ительных” на “восхитетельных”. На такі кампраміс гурту давялося пайсці дзеля трансляцыі.

Таксама ў песні з’явіўся трэці куплет пра выставу Сярова — гіганцкая чарга на яе стала адной з галоўных інфармацыйных нагодаў Масквы другой паловы студзеня, піша meduza.io

Сама песня “Экспанат” ператварылася ў феномен, які прыцягнуў увагу не толькі да туфляў-“лабутэнаў”, але і да выставы Ван Гога ў расійскай сталіцы.