Хлопчык ратаваў сябра, які праваліўся пад лёд — патанулі абодва
![Хлопчык ратаваў сябра, які праваліўся пад лёд — патанулі абодва](/sites/default/files/styles/gallery_main/public/2023-08/img_0598_novyy-razmer.jpg.webp?itok=_WIFkal0)
У Полацкім раёне каля вёскі Казьянкі на Заходняй Дзвіне праваліліся пад лёд і патанулі два хлопчыкі. Трагедыя здарылася каля 16-й гадзіны ў сераду, 29 снежня. Дзеці ўдзельнічалі ў святкаванні дня нараджэння аднаго з хлопчыкаў у вёсцы, а пасля пайшлі катацца на горку каля ракі на цюбінгу. Імяніннік, якому споўнілася 10 гадоў, вырашыў праверыць таўшчыну лёду і адышоў ад берага на 15 метраў. Каля палонкі ён праваліўся ў ваду. 12-гадовы сябар спрабаваў яму дапамагчы, і сам апынуўся ў вадзе. Як паведамляе прэс-служба Следчага камітэта, дзяўчынка, якая была на беразе, паклікала брата, які спрабаваў дапамагчы хлопчыкам. Але яны праплылі па палонцы каля 500 метраў і зніклі пад вадой.
На месца прыехалі ратавальнікі, якія праводзілі пошукі, але целаў хлопчыкаў не знайшлі. Пошукі працягваюцца 30 снежня.
СК праводзіць праверку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.