Іван Наскевіч прызначаны старшынёй Следчага камітэта
![Іван Наскевіч прызначаны старшынёй Следчага камітэта](/sites/default/files/styles/gallery_main/public/2023-08/noskevich.jpg.webp?itok=j1bC7RnG)
Старшынёй Следчага камітэта Беларусі прызначаны Іван Наскевіч. Такое рашэнне прыняў Аляксандр Лукашэнка, інфармуе БЕЛТА.
Іван Наскевіч — ураджэнец вёскі Цярэблічы Столінскага раёна. Нарадзіўся там на Дзень Волі ў 1970 годзе. Служыў у савецкім войску, скончыў на выдатна Украінскую дзяржаўную юрыдычную акадэмію (у 1995-м), працаваў следчым па найважнейшых справах пракуратуры Брэсцкай вобласці. З 2007-га Наскевіч ачольваў пракуратуру Пінскага раёна, з ліпеня 2012-га працаваў пракурорам Брэсцкай вобласці. Вядома, што ў яго двое сыноў і дачка.
Ранейшы кіраўнік Следчага камітэта Валянцін Шаеў днямі быў звольнены ў запас.
Фота: tomin.by