Ізраільскі журналіст пранёс муляжы бомбаў у некалькі самалётаў

Выданне паведамляе, што за два дні журналіст паспеў папрацаваць у 12 самалётах. Пры гэтым ён меў бесперашкодны доступ да кабіны пілотаў. На некалькі бортаў журналіст змог пранесці муляжы бомбаў — бляшанкі з-пад безалкагольных напояў.

Таксама Давід Сулейман змог трапіць у такія зоны аэрапорта, дзе было забаронена бываць нават штатным супрацоўнікам. У прыватнасці, ён змог прайсці да самалётаў, якія чакалі вылета і дапамагчы грузчыкам з багажом.

У выданні пішуць, што пры ўладкаванні на працу ў аэрапорт Бэн-Гурыён журналіст запаўняў шэраг анкет.

Кіраўнік Асацыяцыі бяспекі Ізраіля Піні Шыф заяўляе, што ахоўнікі абавязаныя былі заўважыць, што Сулейман ўладкоўваецца на працу па чужых дакументах. Ён таксама абвінаваціў кампанію-падрадчыка аэрапорта ў халатнасці ў пытаннях найму супрацоўнікаў. Шыф дадаў, што схема працы службы бяспекі Бэн-Гурыён была неадкладна зменена на аснове выкрытых Сулейманам парушэнняў.

Таксама упраўленне аэрапортаў Ізраіля падае ў паліцыю скаргу супраць Сулеймана за тое, што той выдаваў сябе за дзяржслужачага, паведамляе lenta.ru.

Нагадаем, паводле дадзеных авіяцыйных рэйтынгаў, аэрапорт Тель-Авіва Бэн-Гурыён мае адну з самых пільных сістэмаў бяспекі.